୧୯୫୦ ମସିହା ଜାନୁୟାରୀ ୨୬ ଭାରତ ଇତିହାସରେ ଏକ ଗୌରବମୟ ଦିବସ ଏହି ଦିନ ଭାରତର ସମ୍ବିଧାନ କାର୍ଯ୍ୟକାରୀ ହେଲା। ୧୯୪ ୭ ଅଗଷ୍ଟ ୧ ୫ ଦିନ ଭାରତ ବ୍ରିଟିଶ ଶାସନରୁ ମୁକ୍ତ ହୋଇ ପୃଥିବୀରେ ଏକ ସ୍ଵାଧୀନ ରାଷ୍ଟ୍ରର ମାନ୍ୟତା ଲାଭ କରିଥଲା କିନ୍ତୁ ବ୍ରିଟିଶ ଶାସନ ପଦ୍ଧତି ଅନୁସାରେ ଭାରତରେ ଶାସନ ବ୍ୟବସ୍ଥା ୧୯୫୦ ଜାନୁୟାରୀ ୨୬ ପର୍ଯ୍ୟନ୍ତ ଚାଲିଥୁଲା । ଭାରତ ପାଇଁ ଗୋଟିଏ ସମ୍ବିଧାନ ପ୍ରସ୍ତୁତ କରିବାକୁ ଗୋଟିଏ ପ୍ରଣୟନ ସଭା ଗଠିତ ହୋଇଥିଲା । ୧୯୪୬ ମସିହା ଠାରୁ ୧୯୪୯ ମସିହା ନଭେମ୍ବର ୨୬ ପର୍ଯ୍ୟନ୍ତ ଏହି ସଭା ବିଧିବଦ୍ଧ ଭାବରେ କାର୍ଯ୍ୟ କରିଥିଲା। ଭାରତର ଅନେକ ରାଜନୈତିକ ନେତା, ବୁଦ୍ଧିଜୀବୀ, ଜ୍ଞାନୀଗୁଣୀ ବିଶାରଦ ଏହାର ସଭ୍ୟ ଥିଲେ । ସମ୍ବିଧାନର ବିଭିନ୍ନ ବିଭାଗ ପାଇଁ ସ୍ଵତନ୍ତ୍ର କମିଟିମାନ ଗଢ଼ା ଯାଇଥଲା । ସମ୍ବିଧାନ ପ୍ରଣୟନ ସଭାର ସଭ୍ୟମାନେ ପୃଥିବୀର ବିଭିନ୍ନ ସ୍ଵାଧୀନ ଦେଶର ସମ୍ବିଧାନକୁ ଅନୁଧ୍ୟାନ କରିଥିଲେ। ବିଶ୍ଵ ଜାତିସଂଘର ମାନବ ଅଧିକାର ଘୋଷଣାନାମା ୧୯୪୮ ଡିସେମ୍ବର ୧୦ରେ ପ୍ରକାଶିତ ହୋଇସାରିଥିଲା । ଏସବୁର ସାରତତ୍ତ୍ଵ ଆମ ସମ୍ବିଧାନ ଗ୍ରହଣ କରି ପୃଥିବୀରେ  ଗୋଟିଏ ଉନ୍ନତ ସମ୍ବିଧାନର ମାନ୍ୟତା ଗ୍ରହଣ କଲା । ପରବର୍ତ୍ତୀ କାଳରେ ଅନ୍ୟାନ୍ୟ ଉନ୍ନତ ସ୍ଵାଧୀନ ରାଷ୍ଟ୍ର ସମ୍ବିଧାନର ସାରତତ୍ତ୍ଵର ଅପୂର୍ବ ସମନ୍ଵୟ ତଥା ଅନ୍ୟାନ୍ୟ କେତେକ ଦେଶର ସମ୍ବିଧାନ ପାଇଁ ଦିଗଦର୍ଶନ ଆଲୋକବର୍ତ୍ତିକା । ଭାରତର ଲୋକମାନଙ୍କର ଆବଶ୍ୟକତାକୁ ଲକ୍ଷ୍ୟ କରି ସମ୍ବିଧାନ ପ୍ରସ୍ତୁତ କରାଯାଇଛି । ସ୍ଵାଧୀନ ଦେଶର ନାଗରିକ ଭାବରେ ଲୋକମାନେ ଯେଉଁସବୁ ଅଧିକାର ଉପଭୋଗ କରିବେ, ସେମାନଙ୍କର କର୍ତ୍ତବ୍ୟ ଓ ଦାୟିତ୍ଵ କ'ଣ ହେବା ଉଚିତ୍‌ ତାହା ସମ୍ବିଧାନରେ ସନ୍ନିବିଷ୍ଟ | ଅନେକ ମୌଳିକ ଅଧିକାର ଯାହା ବଞ୍ଚିବା  ପାଇଁ ନିତାନ୍ତ ଦରକାର ସେଗୁଡିକ ରାଜ୍ୟମାନଙ୍କ ପାଇଁ ସୂଚନା ନିର୍ଦ୍ଦେଶାବଳୀ ଆକାରରେ ରହିଛି। ସ୍ଵାଧୀନ ରାଷ୍ଟ୍ର ରୂପେ ଜନ୍ମ ନେଇଥିବା ଭାରତର ଆର୍ଥିକ ଅବସ୍ଥା ସେହି ସମୟରେ ଦୁର୍ବଳ ଥିଲା । ସେଥିପାଇଁ ସମସ୍ତଙ୍କ ପାଇଁ ଶିକ୍ଷା,ସ୍ଵାସ୍ଥ୍ୟଃ ଖାଦ୍ୟ ପାନୀୟ, ଗମନାଗମନ ଇତ୍ୟାଦି ଅଧିକାରଗୁଡିକ  ମୌଳିକ ଅଧିକାର ହୋଇଥିଲେ ମଧ୍ୟ ମୌଳିକ ଅଧିକାର ଅଧ୍ୟାୟରେ ସ୍ଥାନିତ ହୋଇ ନଥଲା। ରାଜ୍ୟର ଆର୍ଥିକ ଅବସ୍ଥାକୁ ଦେଖି ରାଜ୍ୟମାନେ ନିୟମ ପ୍ରବର୍ତ୍ତନ କରି ସେଗୁଡିକ ମୌଳିକ ଅଧିକାରର ମାନ୍ୟତା ଦେଇପାରିବେ। ସମ୍ବିଧାନ ପ୍ରଦତ୍ତ ମୌଳିକ ଅଧିକାର କ୍ଷୁର୍ଣ୍ଣ ହେଲେ ଜଣେ ଭାରତର ଉଚ୍ଚ ନ୍ୟାୟାଳୟର ଦ୍ଵାରସ୍ଥ  ହୋଇପାରିବ କିନ୍ତୁ ରାଜନୀତି ପାଇଁ ସୂଚନା ଓ ନିର୍ଦ୍ଦେଶାବଳୀର ଅଧିକାର କ୍ଷୁର୍ଣ୍ଣ ହେଲେ ଜଣେ ନାଗରିକ ନ୍ୟାୟାଳୟର ଦ୍ଵାରସ୍ଥ ହୋଇପାରିବ ନାହିଁ । ଏହି ପ୍ରଭେଦ ପାଇଁ ରାଜ୍ୟ ସରକାରମାନେ ଆଶାନୁରୂପ ବ୍ୟବସ୍ଥା ଗ୍ରହଣ କରିପାରି ନାହାନ୍ତି । ଭାରତର ସର୍ବୋଚ୍ଚ ନ୍ୟାୟାଳୟ ସମ୍ବିଧାନର ୨୧ ଧାରାର ବଞ୍ଚି  ରହବା ଅଧିକାରକୁ ତନ୍ନ ତନ୍ନ କରି ଆଲୋଚନା କରି ଶିକ୍ଷା, ସ୍ଵାସ୍ଥ୍ୟକର ଖାଦ୍ୟ ପାନୀୟ ଇତ୍ୟାଦିକୁ ମୌଳିକ ଅଧକାରର ମାନ୍ୟତା ଦେବା ଫଳରେ ଦେଶର ବିକାଶମୂଳକ କାର୍ଯ୍ୟ ଆଇନ୍‌ ସମ୍ମତ ଭାବରେ ଆଗେଇ ଚାଲିଛି । ଏଥ୍ଵପାଇଁ ଆମେ କାହାକୁ ଦୋଷ ଦେଇ ପେଣ୍ଡୁ ଗଡେଇବା ନ୍ୟାୟରେ ଖସିଯିବା ଠିକ୍‌ ହେବ ନାହିଁ । କାରଣ ଆମ ସମ୍ବିଧାନ ପ୍ରଣେତାମାନେ ଉଲ୍ଲେଖ କରିଛନ୍ତି ଯେ ଆମେ (ଭାରତୀୟ ମାନେ) ଆମକୁ (ଭାରତୀୟମାନଙ୍କୁ) ସମ୍ବିଧାନ ପ୍ରଦାନ କଲୁ | ତେଣୁ ଏହାର ସୁରକ୍ଷା, କାର୍ଯ୍ୟକାରିତା ଆବଶ୍ୟକ ସ୍ଥଳେ ସଂଶୋଧନ ପ୍ରସ୍ତାବ ଆମ ସମସ୍ତଙ୍କର କର୍ତ୍ତବ୍ୟ |