ବୈଶାଳୀର ଆମ୍ରବନ । ଚାତୁର୍ମାସ୍ୟ ବ୍ରତ ଉଦ୍ ଯାପନ ପାଇଁ ବୁଦ୍ଧ ବର୍ତ୍ତମାନ ସେଠାରେ ଅବସ୍ଥାନ କରୁଛନ୍ତି । ଆମ୍ରବନର ସ୍ଥାନେ ସ୍ଥାନେ କିଛି ପତ୍ରକୁଟୀର ଓ ଶ୍ରମଣଙ୍କ ରହିବା ପାଇଁ ଵ୍ୟଵସ୍ଥା । ସ୍ଥାନେ ସ୍ଥାନେ ଉଚ୍ଚ ପିଣ୍ଡି ଅବସର ସମୟରେ ଭିକ୍ଷୁମାନଙ୍କର ଧର୍ମ ଚର୍ଚ୍ଚା ଓ ସାଧନା କରିବା ପାଇଁ ଏହି ପିଣ୍ଡି ଵ୍ୟଵସ୍ଥା । ଏଇଟା ବର୍ଷାଦିନ । ଏହି ଆମ୍ରବନଟି ନିସ୍ତବ୍ଧ, ନିର୍ବାକ୍ । ଯଦିଓ ଗଛପତ୍ରର ଫାଙ୍କ ଦେଇ, କିଛି କିଛି ଜ୍ୟୋତ୍ସ୍ନା ଆସିମାଟି ଉପରେ ପଡ଼ୁଛି ଏବଂ ମନେହେଉଛି, ଯେପରି ମାଟି ଉପରେ କିଏ ଚିତା ଆଙ୍କିଦେଇଯାଇଛି । ଗୋଟିଏ ପିଣ୍ଡି ଉପରେ ଏକ ଦୀପଦଣ୍ତରେ ଦୀପଟିଏ ଜଳୁଚି । ତା' ପାଖରେ ଗୋଟିଏ କାଷ୍ଠ ପିଠିକା ଏବଂ ପିଠିକା ଉପରେ ପୋଥିଟିଏ ମେଲା ହୋଇ ପଡ଼ିଛି । ପାଖରେ ବସି ସେଇ ପୋଥଟିକୁ ନିର୍ନିମେଷ ଆଖିରେ ଅନେଇ ରହିଛନ୍ତି ଭିକ୍ଷୁ ନୀଳଲୋହିତ । ହୁଏତ ସେ ଗଭୀର ନିଷ୍ଠାର ସହ ମନେ ମନେ ପୋଥି ପାଠ କରୁଛନ୍ତି କିମ୍ଵା ପୋଥିକୁ ଅନେଇ ସେ କିଛି ଚିନ୍ତାରେ ନିମଗ୍ନ ରହିଛନ୍ତି।
ଚାତୁର୍ମାସ୍ୟ ବ୍ରତ ଉଦ୍ଯାପନ ପାଇଁ କିଏ ବୈଶାଳୀର ଆମ୍ରବନକୁ ଆସିଥିଲେ ?