ਹੇਠ ਲਿਖੇ ਕਾਵਿ ਟੁਕੜੇ ਦਾ ਅਧਿਐਨ ਕਰਕੇ ਸਵਾਲਾਂ ਦੇ ਜਵਾਬ ਦਿਉ:
 

ਹਿਰਦਾ ਖਿੜੇ ਚਕੋਰ ਦਾ, ਜਦ ਚੰਨ ਨੂੰ ਪੇਖੇ,

ਮ੍ਰਿਗ-ਤ੍ਰਿਸ਼ਨਾ ਮੋਹਿਆ ਹਿਰਨ ਜਿਉਂ ਜਲ ਵੇਖ ਸੁਲੇਖੇ ।

ਪ੍ਰੀਤਮ ਦਰਸ਼ਨ ਬਿਰਹਨੀ, ਜਿਉਂ ਠੰਢ ਕਲੇਜੇ ।

ਗਰਮੀ ਸੜੀ ਬਨਾਸਪਤ, ਮੂੰਹ ਮੀਂਹ ਦਾ ਵੇਖੇ ।

 

ਤਾ ਤਾ ਕਰਦੇ ਆਦਮੀ ਜਲ ਕੁੱਖੀਂ ਬਹਿੰਦੇ ।

ਲੂਆਂ ਸਾੜੇ ਡੰਗਰ ਆ, ਤਲ ਰੁੱਖੀਂ ਰਹਿੰਦੇ ।

ਸੂਰਜ ਅੱਗ ਵਸਾਂਵਦਾ, ਸਾੜ ਬੰਦੇ ਸਹਿੰਦੇ ।

ਜੇਕਰ ਵੱਸੇ ਮੀਂਹ, ਧੰਨ, ਧੰਨ ਸੱਭੇ ਕਹਿੰਦੇ ।

 

ਬਰਖਾ ਬਖਸ਼ਸ਼ ਰੱਬ ਦੀ, ਘੋਲ ਮੇਹਰ ਕਰਾਵੇ ।

ਸੜਦੀ ਹਿੱਕ ਇਹ ਧਰਤ ਦੀ, ਜੀ ਠੰਢ ਪੁਵਾਵੇ ।

ਜੀਊ ਦਾਤਾ ਇਹ ਮੀਂਹ ਹੈ, ਇਹ ਖਾਲਕ ਜਾਨੋ ।

ਬਿਨ ਹਰਕਤ ਬੀਆਂ ਜਾਨ ਪਾ, ਇਹ ਆਨ ਉਗਾਵੇ ।

 

ਉੱਠ ਮਨੁੱਖਾ ਸੁੱਤਿਆ, ਬਨ ਖਾਲਕ ਭਾਰਾ ।

ਚੇਤਨ ਵਸਤੂ ਹੋਇ ਕੇ, ਕਿਉਂ ਬਣੇ ਨਿਕਾਰਾ ?

ਜੀ ਦਾਤਾ ਬਣ ਜਗਤ ਦਾ, ਉੱਚ ਆਦਮ ਉਗੇ,

ਨਵ ਹਰਕਤ ਜ਼ੱਰੇ ਵਿਚ ਪਾ, ਜਗ ਲਰਜ਼ੇ ਸਾਰਾ ।