निर्देशः निम्नलिखितानि पद्यानि पठित्वा षट्प्रश्नानां यथोचितं विकल्पं चित्वा उत्तराणि देयानि।

खलः सर्षपमात्राणि परच्छिद्राणि पश्यति।

आत्मनो बिल्वमात्राणि पश्यन्नपि न पश्यति ।।1।।

सर्पदुर्जनयोर्मध्ये वरं सर्पो न दुर्जनः।

सर्पो दशति कालेन दुर्जनस्तु पदे पदे ।।2।।

चन्दनं शीतलं लोके चन्दनादपि चन्द्रमा।

चन्द्रचन्दनयोर्मध्ये शीतला साधुसङ्गतिः ।।3।।

वृथा वृष्टिः समुद्रेषु वृथा तृप्तस्य भोजनम्।

वृथा दानं समर्थस्य वृथा दीपो दिवापि च ।।4।।

शरदि न वर्षति गर्जति, वर्षति वर्षासु निःस्वनो मेघः।

नीचो वदति न कुरुते, न वदति सुजनः करोत्येव ।।5।।